قصة سندريلا

عضو

قصة سندريلا

لبست الفسطان وراحت جري عالقصر وشافها الأمير وحبها وركضوا سوا وفجأة دقت الساعة 12 وجراي وصارت ترمح و ترمح ووقعت بالبابوج عالدرج.

سندريلا راحت عالبيت واتمنت لو انو الساعة ما دقتش على12، بس شو تسوي بحظها المشحر مثل حظ هاظا الشعب.

الأمير حط فردة البابوج على مخدة يمكن لونها زرقة أو نهدي، المهم صار ينادي بالصوت على كل البنات عشان يقيسن البابوج، قاسن كل البنات إلا سندريلا .....

سندريلا نزلت على الساحة ومعها فردة البابوج، وحطتها على المخدة الي عليها الفردة الثانية، ولما قربت عشان تقيسها ظربها الأمير تشف، وحكالها: وين جاي ياما، حكتلو: يقطع وجهك ما أزنخك، مش شايفني بدي أقيس البابوج هاجم علي زي كباظ لرواح.

حكالها: وحدة مثلك كيف بدها تكون فلكة القمر مثل هديك، حكتلو: هسا بفرجيك وأحط على عينك ,ولما اجت تقيسها، ما طلعت قد اجرها، لأنها كانت ورمانه من كثر الشغل، ويا حرام ما حدا صدقها، وانجنت المشحرة ودارت في الشوارع، والأمير اتزوج غيرها وحكى: لوينتا بدي أظل ادور عليها الله لا يردها هي الخسرانة.

وعاش مع مرتو الجديدة حياة مكلعطة. خطية المسخمة سندريللا اللي انكسر خاطرها كدام الناس

انشاء الله تعجبكم[b][code] اهلا وسهلا